مير محمد نورنگي جاگيراڻي

مير محمد نورنگي جاگيراڻي: مولانا مير محمد ولد محمد هاشم جاگيراڻي بلوچ، 18 شوال 1274هه/1866ع تي ڳوٺ راضي ڳورڙ ۾ جنم ورتو. ابتدائي تعليم والد کان ورتائين، بعد ۾ پير ڳوٺ تعلقي قنبر جي مولوي عبدالله ۽ مولوي فيض محمد ٻير واري وٽان فارسي پڙهيو. علم صرف و نحو ۽ منطق جي تعليم ڳوٺ ابڙا مان مولانا محمد اسماعيل وٽان حاصل ڪيائين. ڪجهه ڪتاب مولوي عبدالله بنگل ديرائي ۽ مولوي غلام محمد آگري وٽ به پڙهيو. پني عاقل ۾ مولانا قمر الدين انڍڙ وٽان منطق جو درس ورتائين. مولانا مير محمد هڪ وڏو عالم ۽ مدرس ٿي گذريو آهي. هيءُ نيڪ سيرت انسان هو. کيس پنهنجو هڪ وڏو ڪتب خانو هوندو هو، جنهن ۾ عربي، فارسي، اردو ۽ سنڌي ڪتاب هزارن جي تعداد ۾ موجود هئا، تن ۾ ڪيترائي قلمي صورت ۾ پڻ هئا. مولوي مير محمد پنجيتاليهه ورهيه درس و تدريس ڏنو. 76ورهين جي ڄمار ۾جمعي رات 10 محرم الحرام 1361هه مطابق 1942ع تي وفات ڪيائين. سندس مزار نورنگ واهه ڳوٺ جي قبرستان ۾ موجود آهي.

داخلا ۾ استعمال ٿيل تاريخون

1274.10.18  هجري

مولانا مير محمد ولد محمد هاشم جاگيراڻي بلوچ، 18 شوال 1274هه/1866ع تي ڳوٺ راضي ڳورڙ ۾ جنم ورتو.

1361.01.10  هجري

مولوي مير محمد پنجيتاليهه ورهيه درس و تدريس ڏنو. 76ورهين جي ڄمار ۾جمعي رات 10 محرم الحرام 1361هه مطابق 1942ع تي وفات ڪيائين.

شخصيتون - ڀاڱي جون ٻِيون داخلائون